Aftësia që i bën fëmijët tuaj të suksesshëm nuk është IQ

Cili përbërës garanton suksesin e fëmijëve tuaj? Sipas hulumtimeve, këmbëngulja është aftësia numër një që parashikon se fëmijët mund të ngjiten në shkallët e suksesit, pasi i inkurajon ata të mos dorëzohen lehtë.

Kultivimi i këtij tipari të veçantë është shumë më i rëndësishëm se IQ, sipas shkencëtarëve pasi me këmbëngulje dhe kokëfortësi ata punojnë shumë për qëllimet e tyre pa u dorëzuar pavarësisht pengesave që mund të hasin.

Sa për mënyrën se si mund t’u mësoni atyre këtë virtyt të veçantë, thjesht ndiqni një nga mënyrat e mëposhtme:

  1. Luftoni atë që i dekurajon

Stresi, lodhja dhe komentet dekurajuese nuk e ndihmojnë një fëmijë të zhvillojë dhe të imagjinojë qëllimet e tij. Kështu që përpiquni të hiqni çdo gjë që e pengon atë nga suksesi dhe fokusohuni në gjërat pozitive që vijnë nga përparimi që po bën.

  1. Mësojini se mësojnë nga gabimet e tyre

Është e rëndësishme që fëmija juaj të mos zhgënjehet nga një gabim që bën. Ky është një moment kritik për suksesin e tij në të ardhmen, sepse nëse ndonjë dështim qëndron në rrugën e fitoreve të ardhshme, atëherë ai kurrë nuk do të mësojë se mund të mësojë nga gabimet e tij.

  1. Festoni fitoret e tyre të vogla

Është e rëndësishme të shpërblehet çdo përpjekje e vogël që ata bëjnë, e cila dëshmon se është një “vepër” në sytë e tyre. Nëse jeni pranë tyre sa herë që arrijnë diçka dhe festoni me ta, fitoret e tyre të vogla, mund t’u mësoni se çdo arritje është e rëndësishme për t’u lavdëruar dhe kjo padyshim do t’i çojë në një fitore të radhës dhe më të madhe.

  1. Tregojuni atyre se si të pranojnë çdo emocion

Është shumë e rëndësishme t’i mësoni fëmijës tuaj të pranojë çdo emocion, madje edhe më negativin. Në asnjë rast nuk duhet t’i shtypë pasi ajo që ai ndjen do të kthehet në një formë tjetër, më të madhe, e cila do ta bëjë fëmijën të braktisë gradualisht ëndrrat dhe ambiciet e tij./abcnews.al

Lexo me shume