Asllani do të “braktisë” Interin? 3 skuadra në garë për 20-vjeçarin shqiptar

Ditët e fundit në Itali po përflitet për një largim të mundshëm të Kristjan Asllanit nga Interi gjatë mërkatos së janarit në formë huazimi.

Kjo për shkak të minutave të pakta që shqiptari po merr te “zikaltërit” dhe pritet të jenë akoma më të pakta me kthimin e Brozovic nga dëmtimi.

Sipas mediave italiane 3 janë skuadrat që kanë shfaqur deri më tani interes për 20-vjeçarin.

I pari është klubi nga erdhi, Empoli, pjesë e të cilit vazhdojnë të jenë dy shqiptarët e tjerë, Nedim Bajrami dhe Ardian Ismajli.

Një tjetër klub është Torino, në të cilin aktivizohet edhe Etrit Berisha dhe Mërgim Vojvoda, ndërsa skuadra e tretë është Spezia.

Theksojmë  se Interi nuk ka ndërmend ta lërë mesfushorin të largohet dhe e konsideron të rëndishëm për të tashmen dhe të ardhmen, ndaj mundësitë e huazimit të Asllanit për momentin duken shumë të pakta.r.t/abcnews.al

Lexo me shume