Biden e pranon: Dua të rikandidoj për mandat të ri në zgjedhjet presidenciale të 2024-ës

Presidenti amerikan Joe Biden , i cili mbush 80 vjeç muajin e ardhshëm, konfirmoi dje dëshirën e tij për të rikandiduar në zgjedhjet presidenciale që do të zhvillohen në vitin 2024, megjithatë ai theksoi se nuk ka marrë ende një vendim zyrtar.

I pyetur në lidhje me këtë nga rrjeti MSNBC, presidenti i SHBA-së tha se ende nuk e ka zyrtarizuar vendimin e tij pasi në momentin që do ta shpallë “do të më duhet të veproj si kandidat”.

“Nuk e kam marrë ende vendimin zyrtarisht, por ky është qëllimi im. Synimi im është të kandidoj përsëri dhe ne kemi kohë për ta marrë këtë vendim”, tha Biden.

Biden do të festojë 80-vjetorin e lindjes më 20 nëntor. I pyetur nëse gruaja e tij dhe njëkohësisht zonja e parë e Shteteve të Bashkuara, Jill Biden, e sheh me sy pozitiv një kandidaturën, Biden u përgjigj pozitivisht.

“Gruaja ime mendon se ne po bëjmë diçka të rëndësishme dhe unë nuk duhet të heq dorë”, tha ai pas një pauze të shkurtër.

Biden ka njoftuar tashmë që nga muaji i kaluar, megjithëse në mënyrë evazive, “qëllimin” e tij për të kandiduar për një mandat të dytë në Shtëpinë e Bardhë. Presidenti më i vjetër amerikan i zgjedhur ndonjëherë do të festojë ditëlindjen e tij të 80-të më 20 nëntor.

Nëse rizgjidhet, ai do të jetë 82 vjeç në fillim të mandatit dhe 86 në fund të tij.

Zgjedhjet afatmesme janë testi i radhës për Biden. Për shkak të moshës madhore të Biden dhe momenteve të shpeshta të sikletshme , shpesh ngrihen pyetje në lidhje me aftësitë e tij për një kandidaturë të re./abcnews.al/

Lexo me shume