“Dashuria” futi në hasmëri dy fiset në Klos

Disa detaje të reja janë zbuluar nga masakra e ndodhur pasditen e kësaj të mërkure. Mësohet se shkak i gjithë ngjarjes është bërë lidhja dashurore mes vajzës së Fiqiri Mjeshtrit dhe djalit të Shirës.

Të dy baballarët janë takuar për ta sqaruar çështjen pasi Mjeshtri ishte kundër kësaj lidhje.

Në një moment konflikti ka degraduar në ofendime e sharje, ndërsa më pas një nga autorët e dyshuar ka shkuar dhe ka marrë armën duke qëlluar drejt katër personave të tjerë.

Dy persona të tjerë janë arrestuar Fatmir dhe Besnik Mjeshtri. Si pasojë e të shtënave me armë zjarri janë plagosur edhe dy persona të tjerë, Renato dhe Eglantina Hasuala.

Ndërkohë që humbën jetën babë e bir, Ilir Shira dhe Kenado Shira.

Lexo me shume