Del foto, ky është polici i vrarë i “Shqiponjave”

Pak më parë një efektiv i forcave Shqiponja është vrarë në Fier, ndërkohë që po shkonte të merrte detyrën. Argjiroja.net ka siguruar foton e viktimës, i identifikuar si 28-vjeçari Novruz Cenalia. Sa i përket autorit, ai është identifikuar si shtetasi Asllan Mernica i njohur edhe si Azgan Mernica, 23 vjeç, me origjinë nga Kruma e Hasit.
NJOFTIMI I POLICISE
Fier/Informacion paraprak
Rreth orës 13:15, në fshatin Baltëz, dyshohet se gjatë një konflikti të çastit, shtetasi A. M. ka vrarë me armë zjarri shtetasin N. C., punonjës policie i Forcës së Posaçme “Shqiponja” të DVP Fier, jashtë shërbimi, por i veshur me uniformën e Policisë, pasi shkonte për të marrë shërbimin.
Menjëherë në vendngjarje janë nisur shërbimet e Policisë, Forca Kombëtare e Sigurisë, Reparti Special “RENEA”, të cilat kanë rrethuar zonën dhe vijojnë punën për kapjen e autorit.
Grupi hetimor dhe drejtues të Departamentit të Policisë Kriminale, në drejtimin e Prokurorisë, po punojnë për sqarimin e rrethanave dhe për dokumentimin ligjor të kësaj ngjarjeje.
 

Burimi