Dënohen protestuesit që hodhën supë mbi pikturën e Van Gogh

Dy protestues kundër karburanteve fosile, të cilët u filmuan duke hedhur supë mbi “Sunflowers” të Van Gogh në një galeri në Londër, janë dënuar.

Dy vajzat e reja nga grupi i fushatës Just Stop Oil hodhën përmbajtjen e dy kanaçeve me supë domate mbi pikturën, e cila, ka një vlerë prej 84.2 milionë dollarë.

Protestuesit
Në këtë imazh të publikuar nga organizata Just Stop Oil, dy vajza shihen duke qëndruar përballë “Sunflowers” (1888) të Van Gogh.

Më pas ata u ngjitën në murin poshtë pikturës në Galerinë Kombëtare. Në një deklaratë të postuar në Twitter të premten, galeria konfirmoi incidentin në dhomën 43, ku u shfaq “Sunflowers” dhe dha një përditësim për gjendjen e tij.

“Ka disa dëmtime të vogla në kornizë, por piktura është e padëmtuar,” tha ai. Në një postim të mëvonshëm, galeria shpjegoi se piktura ishte me xham dhe për këtë arsye e mbrojtur.

Një bashkëpunëtor i tretë u akuzua gjithashtu për një sulmnë tabelën ikonë “New Scotland Yard” që qëndron jashtë selisë kryesore të policisë së Londrës, tha Policia Metropolitane.

Të tre personat janë të gjithë të lidhur me Just Stop Oil, i cili përfaqëson një koalicion grupesh që punojnë së bashku për të ndaluar qeverinë e Mbretërisë së Bashkuar të angazhohet për licenca të reja në lidhje me eksplorimin, zhvillimin dhe prodhimin e karburanteve fosile.

Gjithsej 28 arrestime u bënë në lidhje me protestat në qendër të Londrës të premten. 25 personat e tjerë janë liruar me kusht në pritje të hetimeve të mëtejshme, sipas deklaratës.

Lexo me shume