E rëndë në Francë/ 12-vjeçarja nuk kthehet në shtëpi pas shkollës, trupi i saj gjendet brenda valixhes në Paris

Një ngjarje makabër ka tronditur Francën një ditë më parë, pasi trupi i një  vajze 12 vjeçare është gjetur brenda një valixheje në Paris.

Babai i saj nisi të shqetësohej pasi vajza e tij nuk po kthehej në shtëpi pas shkollës, raporton BFMTV.

Nëna e vajzës e raportoi zhdukjen e saj në stacionin e policisë lokale në rajonin e 19-të verilindor të kryeqytetit francez më vonë atë ditë.

Detektivët nisën me shpejtësi një hetim pasi u zbuluan shenja të rrëmbimit në bodrumin e shtëpisë së familjes.

Pamjet e kamerave më pas treguan një grua jashtë ndërtesës duke mbajtur një valixhe, e cila më vonë u gjet në rrugën Hautpoul me trupin e vajzës brenda.

Fytyra e saj ishte e mbuluar me shirit dhe ajo kishte disa prerje në fyt. Ekzaminimi pas vdekjes do të bëhet të shtunën.

Katër persona janë aktualisht në paraburgim, por nuk dihet se për çfarë janë arrestuar. Mes tyre është edhe personi që lajmëroi policinë pasi zbuloi valixhen.

 

Lexo me shume