Elhaida kërcen me këngën e saj! Sërish rrëmben pikët më të larta nga juria

Me këngën që fitoi “Top Fest 9”, Elhaida Dani synon sonte të marrë sa më shumë pikë nga juria dhe të dalë sërish në vend të parë.

Këngën “S’je më”, artistja e shoqëroi me një kërcim kontemporon. Nuk ishte thjesht një performancë, por një betejë ndjenjash mes jush, tha Armand Peza, që i tha Elhaidës se ishte më agresive se sa duhet dhe i kërkoi të jetë më feminile.
Dalina Buzi nuk i kurseu komentet pozitive për këngëtaren. Tortura ty të bën mirë, i tha ajo. Me këtë kërcim kontemporan, ajo mori pikët më të larta deri tani për natën e tretë, plot 32 pikë.

Televotimi është i hapur zyrtarisht dhe të gjithë mund të votojnë nga Shqipëria dhe nga Kosova. Pesha do të jetë 50% te pikët e jurisë dhe 50% votat e publikut. Kodi i Elhaidës dhe Ledianit është VIP9. Ashtu si javën e shkuar, edhe këtë të premte do të ketë eliminime, ku çifti me rezultatet më të dobëta do të lërë garën.
Këtë javë, spektakli i “DWTS” zhvillohet me një konkurrent më pak, pasi sipërmarrësi Ilir Dushkaj dhe partnerja e tij Frenki u eliminuan të premten e kaluar.

FOTO GALERI
1/6

Top ChannelLexo me shume