Emri/ Hiqej si dietologe duke mashtruar qytetarët, vihet në pranga 41-vjeçarja në Tiranë

Një 41-vjeçare që prezantohej si dietologe dhe përfitonte shumë parash nga qytetarët me anë të mashtrimit është vënë në pranga në Tiranë.

Ajo administronte një subjekt në zonën e Brrylit, të cilin nuk e kishte të regjistruar pranë organeve përkatëse dhe fshihte të ardhurat e fituara prej tij.
Silvana Balliu merrte nga 150-300 euro, nga qytetarë të ndryshëm, për përgatitjen e dietave të personalizuara.

Gjatë ndërhyrjes nga shërbimet e Policisë, ajo ka fshirë nga telefoni i saj, bisedat me klientët, për të penguar zbulimin e së vërtetës.
“Specialistët e Seksionit për Hetimin e Krimeve Ekonomike dhe Financiare, në DVP Tiranë, bazuar dhe në informacionet e marra në rrugë operative për një aktivitet të paligjshëm, organizuan dhe finalizuan me sukses operacionin policor të koduar “Dietologia”. Në kuadër të këtij operacioni u bë arrestimi i shtetases: – S. B., 41 vjeçe, banuese në Tiranë, për veprat penale “Mashtrimi”, “Fshehja e të ardhurave”, dhe “Veprime që pengojnë zbulimin e së vërtetës”.
Kjo shtetase administronte një subjekt në zonën e Brrylit, të cilin nuk e kishte të regjistruar pranë organeve përkatëse dhe fshihte të ardhurat e fituara prej tij. Në bazë të verifikimeve të kryera ka rezultuar se shtetasja S. B. prezantohej si dietologe dhe me anë të mashtrimit përfitonte shuma të ndryshme parash, nga 150-300 euro, nga qytetarë të ndryshëm, për përgatitjen e dietave të personalizuara. Gjatë ndërhyrjes nga shërbimet e Policisë, kjo shtetase ka fshirë nga telefoni i saj, bisedat me qytetarët (klientët), me qëllim për të penguar zbulimin e së vërtetës”, sipas policisë.
Materialet i kaluan Prokurorisë, për veprime të mëtejshme procedurale.

Top ChannelLexo me shume