Gjermania ‘ngrihet në këmbë’ për Iranin, rreth 80 mijë njerëz mbushin rrugët e Berlinit në solidarizim me protestat kundër regjimit

Rreth 80,000 protestues kanë marshuar në Berlin, thotë policia gjermane, në solidaritet me protestat e vazhdueshme në Iran.

Mitingu i së shtunës në kryeqytetin gjerman besohet të ketë qenë më i madhi i mbajtur deri më tani nga diaspora iraniane, ndërsa iranianët nga e gjithë Evropa brohoritën sloganin e protestuesve “Gratë, Jeta dhe Liria!”

Në Iran, protestat e shkaktuara nga vdekja e Mahsa Aminit në paraburgim kanë hyrë në javën e gjashtë, teksa të shtunën u mbajtën tubime në disa kryeqytete botërore, përfshirë Uashingtonin, ku mijëra njerëz kanë marshuar edhe atje.

Organizatorët e tubimit të Berlinit thonë se numri i protestuesve është afër 100,000, ndërsa kërkesat e tyre përfshinin më shumë sanksione perëndimore kundër Gardës Revolucionare të Iranit.

Diplomatët iranianë, thanë protestuesit, duhet të dëbohen nga kryeqytetet perëndimore. “Është befasuese, është e mahnitshme”, tha një protestues për BBC. “Është hera e parë që kaq shumë njerëz në kombin tonë janë të bashkuar pavarësisht nga bindjet e tyre politike para revolucionit dhe pas revolucionit.”

(BalkanWeb)

Lexo me shume