Katari dënon homoseksualitetin deri në 7 vite burg, ‘provokon’ ish-sulmuesi i Anglisë: Njoh një ‘çift’ futbollistësh në Premier League që…

Gary Lineker ka  folur për futbollistë homoseksualë që janë në Premier League.

Lineker ka thënë se ai njeh “një çift” të futbollistëve homoseksualë të Premier League, ndërsa ka thënë se do të dërgonte një mesazh të fuqishëm nëse ata do të dilnin gjatë Kupës së Botës në Katar.

“The Times” shkruan se ish-sulmuesi i Anglisë tha se disa lojtarë të Premier League kanë qenë shumë pranë zbulimi të seksualitetin të tyre.  Ndërkohë Katari e dënon homoseksualitetin me deri në shtatë vjet burg.

Kreu i Kupës së Botës në Katar, Nasser al-Khater, u tha shoqatave të futbollit që në vend të politikës të fokusohen në futboll, gjatë një interviste të dhënë për Sky News.

“Ka një çift që njoh, por padyshim që nuk më takon mua të them se cilët janë ata.”, ka thënë Lineker.

Kur u pyet se pse lojtarët nuk kishin dalë ende, Lineker tha: “Frika. E imagjinoj frikën nga e panjohura. Ndoshta ata janë të shqetësuar për atë që mund të mendojnë shokët e tyre të skuadrës, megjithëse ata ndoshta edhe mund ta dinë.”

  • foto galeri
  • foto galeri
  • foto galeri

“Duket çmenduri. Njerëzit thonë: ‘Po, por turmat.’ Dhe unë them,- ‘Epo turmat këndojnë gjithsesi.’ Çdo lloj abuzimi që bëni është një kompliment nga tifozët kundërshtarë. Por është e lehtë për mua të them sepse nuk jam në atë pozicion.”

Jake Daniels, 17 vjeç, i cili luan për skuadrën e Championship Blackpool, u bë futbollisti homoseksual më i profilit të lartë në Mbretërinë e Bashkuar pasi doli në maj të këtij viti dhe futbollisti australian Josh Cavallo që luan në nivelin më të lartë të Australisë doli në tetor të vitit të kaluar .

Lineker shpjegoi se shpresonte se historitë e tyre do të krijonin një “efekt domino” dhe tha se lojtari i parë i ligës që do të dilte mund të përfitonte shumë nga marrëveshjet e marketingut dhe sponsorizimit.

Ai tha: “Ka shumë lojtarë që duhet të jetojnë një gënjeshtër. Jam i sigurt se është shumë e vështirë. Sigurisht që do të isha agjent i një futbollisti të madh, nëse do ta dija që një nga lojtarët e mi ishte homoseksual, nëse do ta dija dhe nëse ai do të ishte një lojtar i mirë, do të thosha, ‘Bëhu lojtari i parë i madh’.  Sepse, dua të them, si agjent, duke menduar përsa i përket promovimit dhe gjërave të tjera, do të jesh i madh.”

Kapitenët e Anglisë dhe Uellsit, Harry Kane dhe Gareth Bale, janë zotuar tashmë të mbajnë shiritat e ylberit “One Love” në Kupën e Botës për të qëndruar kundër diskriminimit.

Ish-portieri Iker Casillas dhe ish-bashkëlojtari i tij në Spanjë, Carles Puyol, u akuzuan për tallje me homoseksualët të dielën e kaluar .

Casillas shkroi në Twitter “Shpresoj se do të më respektojnë: Unë jam homoseksual”, ku Puyol iu përgjigj mesazhit, i cili më vonë u fshi, duke thënë “Është koha t’u tregojmë atyre për ne” dhe duke përfshirë një emoji me zemër dhe puthje.

Casillas më vonë pretendoi se ishte hakuar dhe Puyol kërkoi falje për një “shaka të ngathët”.

Sakaq Lineker ka qenë nën vëzhgim për përdorimin e tij të mediave sociale.

(BalkanWeb)

Lexo me shume