Keni flokë të dobët? Fajin mund ta kenë këto ushqime

Të gjithë duam të kemi flokë të shëndetshëm dhe me shkëlqim, prandaj mundohemi t’i trajtojmë me produktet e duhura. Megjithatë, kjo nuk mjafton. Dhe kjo, sepse shëndeti i flokëve varet edhe nga dieta. Siç theksojnë ekspertët, ushqimi është çelësi i shëndetit të tyre më të mirë.

Në fakt, ka disa ushqime që janë të dëmshme për flokët:

Sheqeri

Sheqeri që është i preferuari i shumëkujt, ndërkohë që e gjejmë pothuajse kudo. Megjithatë, konsumimi i tepërt i tij është i dëmshëm edhe për flokët tanë. Sipas healthdigest.com, sheqeri shkakton rënie të flokëve si tek meshkujt ashtu edhe tek femrat. Pra, është mirë të kufizoni ëmbëlsirat e shumta. Gjithashtu, ushqimet me sheqer nuk përmbajnë proteina, e cila është jetike për flokët tanë.

Alkooli

Edhe pirja e sasive të mëdha të alkoolit, veçanërisht në baza të rregullta, ndikon drejtpërdrejt në shëndetin e flokëve. Disa studiues besojnë se pirja e sasive të mëdha të alkoolit mund të ndikojë në mënyrën se si trupi juaj thith bakrin dhe zinkun, të cilët janë dy lëndë ushqyese të rëndësishme për shëndetin e flokëve tuaj.

Gjithashtu, disa studiues besojnë se alkooli mund të parandalojë trupin tuaj që të përthithë siç duhet proteinat, të cilat, siç e përmendëm, janë jetike për shëndetin e flokëve.

Yndyrnat trans

Ushqimet që janë të pasura me yndyrna trans janë gjithashtu të dëmshme për shëndetin e flokëve. Zakonisht, konsumimi i tepërt i tyre çon në rënie të flokëve, pasi flokët bëhen më të dobët dhe më të brishtë.

Lexo me shume