Negociatat me Alibeajn për vendoret/ Berisha: Bashkimi i PD ka të hapur çdo opsion

Për Sali Berishën, Partia Demokratike ka të hapur cdo opsion që mund të cojë në bashkimin e saj.

Deklarata e Berishës, u bë gjatë konferencës së përjavshme për mediat.
Megjithatë, Lulzim Basha duket se nuk është në planet e ish kryeministrit për bashkimin e partisë, pasi ndërsa la të hapur cdo opsion, Berisha vecoi vetëm një rast për të cilin tha se është shprehur dhe e ka bërë të qartë.

Ndonëse nuk dha shumë detaje mbi bashkimin e PD, Berisha tha se palët janë në kontakt me njëri tjetrit dhe procesi vijon.
“ Bashkimi i PD ka të hapur cdo opsion. Ky është qëndimi i Sali Berishës, pa asnjë diskriminim përvec një rasti që e kam bërë të qartë.”- u shpreh Berisha.
Kujtojmë se nën drejtimin e Sali Berishës, PD ka ngritur një komisioni auditi lidhur me implikimin e Lulzim Bashës në financimet ruse. Auditi nisi pas publikimit të raportit amerikan, sipas të cilit, gjatë periudhës kur drejtohej nga Lulzim Basha, PD është financuar me para ruse.
 

Top ChannelLexo me shume