“Nesër e përgjithmonë” vjen në shqip, Ermal Meta zbulon detaje nga libri i ri: Doja të tregoja për rrënjët e mia

E njohim për sukseset e jashtëzakonshme që ka arritur në Itali, por këtë herë Ermal Meta vjen si një shkrimtar. Artisti shqiptar, që jeton prej vitesh në shtetin fqinj është rikthyer në Shqipëri me librin “Nesër e përgjithmonë”. Ai dha një intervistë për gazetarin Enkel Demi, ku zbuloi më shumë detaje.

Kam dashur gjithmonë të shkruaj një roman. E kam përkëdhelur këtë ide që kur 20 vjeç por mundohesha shumë me muzikën dhe më dukej vetja sikur i hiqja forcë dhe energji muzikës. Më dukej sikur nuk do të përqendrohesha aq mirë në objektivin tim kryesor si muzika. Por ky mendim sikur nuk fikej kurrë.

Nuk gjeja kurrë kohën që të shkruaja. Forcën e arsyes, e motivit për të cilin doja të shkruaja se di, e kam pasur gjithmonë. Shpikjen e historive e kam pasur në mendje. Erdhi pandemia në 2020, ishim në lock down dhe muzika nuk më vinte thjesht sepse dëgjoja vetëm sirenat e ambulancave në Milano.

Më dukej se kisha një mungesa respekti të merresha me muzikë. Sikur nuk kishte vend për muzikën në atë momente por prapë nuk rrija dot pa krijuar diçka.”, tha Ermali. Nëse të gjithë prisnin një roman për jetën personale, artisti theksoi se donte të sillte diçka që identifikonte Shqipërinë.

“Nuk kam kaluar më shumë se një javë pa shkruar diçka, dhe mendova se duke shkruar një libër në atë moment nuk do të heqja kohë muzikës. Nuk doja të shkruaja për jetën time. Më dukej si një gjë e pritshme dhe s’më pëlqente ideja që të tjerët mund të mendonin se çfarë ishte.

Doja të tregoja për rrënjët e mia, një histori me disa arsye se përse ndodhën gjithë ato gjëra që ndodhën në ’91.“, shtoi Meta. /abcnews.al

Lexo me shume