Nuk i ka shënuar kurrë, titulli për Manchester City kalon nga Tottenham: “Nuk ka alternativa”

Me siguri, sot do të jetë dita vendimtare për dhënien e titullit kampion në Premier League. Një javë para përfundimit, Arsenal ka një pikë epërsi ndaj Manchester City, që do të luajë ndaj Tottenham në mbrëmje në rikuperimin e javës së 34. Skuadra e Pep Guardiola nuk ka alternativa dhe duhet të rrëzojë tabunë e stadiumit të ri të Spurs. Haaland dhe të tjerët nuk kanë fituar dhe nuk kanë shënuar kurrë në kampionat aty.
“Është e qartë do të thosha. Ne kemi vetëm një opsion, për të fituar ndeshjen. Ne do të fillojmë që aty – shpjegoi tekniku katalanas në konferencën për shtyp –. Si trajner kam një teori, ajo që bëmë deri dje nuk ka rëndësi. [Nga katër ndeshjet e fundit të Premier League ] 15 gola janë mirë dhe na dhanë pikët për të qenë këtu. Por këto gola nuk të japin asgjë më shumë kur të fillojmë lojën. Ne e dimë se nëse nuk fitojmë nuk do të fitojmë Premier League”.
REKORDIN E CITIZENS E PENGOJNË DY LONDINEZE
Mes Manchester City dhe një tjetër rekordi (skuadra e parë që fiton katër tituj radhazi në Premier League) ka ende dy ndeshje. Tottenham sot dhe West Ham të dielën pasdite në stadiumin Etihad. Dy skuadra londineze në rrugën e lavdisë së përjetshme, ndryshe festa do të jetë e një tjetër skuadër nga kryeqyteti, Arsenal që do ta mbyllë kampionatin e tyre të shkëlqyer në shtëpi ndaj Everton. “Këtë sezon ata janë më proaktivë se në të kaluarën me trajnerë të ndryshëm – shpjegoi Guardiola duke folur për Tottenham -. Ata janë aq agresivë, pavarësisht se çfarë po ndodh. Ata po humbnin 4-0 në Anfield dhe vazhduan, vazhduan, vazhduan të të bënin planin e lojës dhe t’i përmbaheshin asaj në të cilën besojnë. Në të njëjtën kohë ne e dimë se për çfarë po luajmë ky është mentaliteti ynë”.
Lexo më tej: Video/ Premier League: 3-3 i çmendur mes Aston Villa e Liverpool, Duran habit Reds me dy gola në tre minuta
PRECEDENTËT SEZONALË
Tottenham, -4 nga vendi i fundit i Champions i zënë nga Aston Villa, nuk po kalon një moment të mirë, por këtë vit ata ia kanë bërë jetën të vështirë City edhe në ndeshjen e parë (3-3 rokamboleks) dhe gjithashtu në FA Cup, në ndeshjen e luajtur në shtëpi dhe e vendosur në fund nga Aké. Holandezi, i cili doli herët të shtunën kundër Fulham, është në dyshime të mëdha, ndërsa Grealish e ka kapërcyer gripin që e mbajti jashtë ndeshjes në Craven Cottage”.

Burimi