U bë shkak spekulimesh për një krizë, Victoria Beckham tregon arsyen pse fshiu tatuazhin dedikuar burrit të saj

Kur Victoria Beckham hoqi tatuazhin që kishte bërë në shenjë dashurie për David Beckham, nisi të përflitej për një krizë në martesën e tyre. Gjithçka nisi kur pak ditë më parë në një video në Instagram, dukej qartë se kishte hequr nga kyçi i dorës inicialet e partnerit të saj.

Nuk kaloi shumë kohë që të nisnin thashethemet se stilistja britanike ka probleme edhe me bashkëshortin. Por siç bën me çdo çështje familjare, stilistja u dha fund atyre këtyre spekulimeve. Ajo zbuloi se arsyeja pse i ka zhdukur nga dora inicialet e ish-futbollistit është estetike.

“Ata thjesht nuk më duken aq mirë. Nuk do të thotë asgjë më shumë se kaq”, tha ajo duke shtuar: “Mendoj se mediat filluan të spekulonin se unë do të largohesha nga bashkëshorti im. Jo, thjesht u mërzita nga tatuazhi. Është kaq e thjeshtë”. /abcnews.al

Lexo me shume