Vrau efektivin e “Shqiponjave” në Fier, policia në kërkim të autorit, dyshohet se Azgan Mernica po tenton arratisjen drejt Greqisë_6643aae538fdb.png

Vrau efektivin e “Shqiponjave” në Fier, policia në kërkim të autorit, dyshohet se Azgan Mernica po tenton arratisjen drejt Greqisë

Një ditë pas vrasjes së policit të “Shqiponjave” Novruz Cenalia në fshatin Baltëz të Fierit, policia e shtetit dhe RENEA vijojnë intensivisht aksionin për gjetjen e autorit, Azgan alias Asllan Mernica, i cili është në arrati që prej ditës së djeshme.
Azgan Mernica qëlloi policin fatkeq me plumb në kokë pas një konflikti të çastit për vendin e makinës. Pasi e qëlloi autori mori makinën, e la te shtëpia e dajës dhe u arratis në këmbë nëpër ara.Lexo edhe :Related Posts
Ndërkaq gazetari i Vizion Plus, Ilmi Saliaj, bën me dije policia ka zgjeruar kërkimet për autorin. Autori dyshohet se është larguar në drejtim të Gjirokastrës apo Tepelenës.

Burime të policise së Fierit bëjnë me dije se një person i ngjashëm me autorin është parë në Gjirokaster. Policia po verifikon informacion e marrë dhe për këtë ka lajmëruar policinë e Gjirokastrës.
Gjithashtu Policia ngre dyshimet se personi mund të tentojë të kalojë kufirin e të arratiset drejt Greqisë. Ndërkohë kontrollet vijojnë ne fshatin Pojan. Kontrolle po bëhen po bëhen edhe në stane e tunele në Tepelenë.
Janë  shoqëruar mbi 10 persona për tu pyetur për ngjarjen. Mes tyre janë edhe prindërit e autorit të dyshuar, Petrit dhe Ajete Mernica.Kjo e fundit ishte dëshmitare e krimit, pasi ishte në makinë me të birin kur ndodhi ngjarja.
Ajete Mërnica është shprehur se gjithçka ka ndodhur shumë shpejt. Ka parë djalin të zbresë nga makina dhe të konfliktohet me policin.
Aty ka dëgjuar një të shtënë arme, dhe më pas djali i saj ka hyrë në makinë dhe kanë ikur në drejtim të banesës së vëllai të Ajete Mernicës. Ajo ka deshmuar se i biri iku me vrap pa i thënë se ku do shkonte.
Ngjarja e rëndë ndodhi, pak pas mesditës së të hënës, në fshatin Baltëz të Fierit, ku 28-vjeçari Novruz Cenalia mbeti i vrarë me armë zjarri, teksa ishte i veshur me uniformë policie, pasi po shkonte të merrte detyrën.
Ndërsa autori i dyshuar u largua me shpejtësi me një audi ngjyrë blu, të cilën e braktisi në afërsi të shtëpisë së një familjari për tu larguar në këmbë drejt fshatit Havaleas dhe më pas në Apoloni.
23-vjeçari vijon të  mbetet rrezik sipas policisë pasi armën e krimit e ka me vete.
Pavarësisht kontrolleve edhe me dron, policia nuk ka ende asnjë gjurmë të tij, ndërkohë që ofron 30 mijë euro shpërblim për çdo informacion të vlefshëm që do të çojë në kapjen e autorit./vizionplus.tv